Rusia ka thënë se ka prishur disa komplote ukrainase për të vrarë oficerë të rangut të lartë dhe familjet e tyre në Moskë.
Sipas mediave të huaja, Shërbimi Federal i Sigurisë, pasardhësi kryesor i KGB-së së epokës sovjetike, i njohur si FSB, tha se plani përfshinte bomba të maskuara si banka elektrike ose dosje dokumentesh.
“Shërbimi Federal i Sigurisë i Federatës Ruse ka parandaluar një seri tentativash për vrasje ndaj personelit të lartë ushtarak të Ministrisë së Mbrojtjes”, tha agjencia.
"Katër shtetas rusë të përfshirë në përgatitjen e këtyre sulmeve janë arrestuar", thuhej më tej nga FSB, shkruan A2 CNN.
Këto pretendime vijnë pak më shumë se një javë pasi shërbimi i inteligjencës i Ukrainës SBU vrau gjeneral-lejtnant Krillov, i cili ishte shefi i Trupave të Mbrojtjes Bërthamore, Biologjike dhe Kimike të Rusisë.
Agjencia e lajmeve Reuters raportoi se një burim SBU konfirmoi se Ukraina qëndronte pas asaj goditjeje, e cila u bë jashtë ndërtesës së banesës së zotit Krillov me një bombë të bashkangjitur në një skuter elektrik. (A2 Televizion)
A2 CNN Livestream
MUND TE LEXONI GJITHASHTU
