Agjencia Amerikane e Inteligjencës, CIA, mbulohet nga një hije e rëndë skandali. Gjykatat në Virxhinia veriore dhe Uashington, DC, kanë shqyrtuar në heshtje rastet e sulmeve seksuale brenda institucionit të CIA për më shumë se një vit, duke ofruar fakte të asaj që shumë zyrtarë e përshkruajnë si një problem kulturor të rrënjosur thellë në agjencinë e spiunazhit.
Dy raste kanë rezultuar në dënime për kundërvajtje në Virxhinia. Në shtator, një gjykatës federal në Uashington, DC, dënoi një ish-oficer të CIA-s me 30 vjet burg për drogë dhe sulm seksual të dhjetëra grave. Në prapaskenë, akuza të tjera vazhdojnë të shqetësojnë agjencinë famëkeqe të spiunazhit, duke përfshirë të paktën një pretendim që ka rezultuar në shkarkimin e një oficeri, citon CNN.
Një punonjëse femër e kësaj agjencia ka shkuar në Capitol Hill për të dëshmuar me dyer të mbyllura në komitetet e mbikëqyrjes së Kongresit rreth akuzave të tjera për sulme dhe ngacmime seksuale brena CIA-s.
Në fillim të këtij viti, një raport prej më shumë se 600 faqesh nga inspektori i përgjithshëm i agjencisë dhe një rishikim i veçantë nga hetuesit e kongresit gjetën mangësi serioze në mënyrën se si CIA trajtoi ankesat.
Në përgjigje të asaj që disa viktima e kanë quajtur momenti #MeToo i CIA-s, agjencia ka nisur një përpjekje të madhe reformash gjatë vitit të kaluar.
Të paktën një nga 007-at nën hetim është ende në postin e tij. Për më tepër, CIA ka kryer për herë të parë një anketë të brendshme që synon të kuptojë shtrirjen e problemit të saj të ngacmimit seksual. Rezultatet, të cilat nuk janë raportuar më parë, theksojnë se CIA mund të ketë një shkallë të dhunës seksuale në vendin e punës pak më të lartë se mesatarja kombëtare dhe shumë më e ulët se ushtria amerikane, një tjetër agjenci e madhe e sigurisë kombëtare që ka luftuar me sulmet seksuale.
Sipas rezultateve, të cilat u përshkruan për CNN nga burime të shumta, duke përfshirë Shefin Operativ të CIA-s, Maura Burns, 28% e të anketuarve thanë se kishin përjetuar të paktën një rast të një mjedisi pune armiqësor seksual ndërsa ishin të punësuar në CIA, ndërsa 9% treguan të paktën një rasti kishte ndodhur në 12 muajt e fundit. (A2 Televizion)
A2 CNN Livestream
MUND TE LEXONI GJITHASHTU
