Një cisternë ruse e gazit natyror të lëngshëm (LNG), e dëmtuar në një sulm të dyshuar ukrainas në Mesdhe, doli jashtë kontrollit gjatë një stuhie ndërsa po tërhiqej nga një rimorkiator libian të enjten, njoftoi Autoriteti i Porteve dhe Transportit Detar i Libisë.
“Cisterna është jashtë kontrollit dhe rimorkiatori nuk është në gjendje të kthehet për ta lidhur sërish për shkak të kushteve të rrezikshme të motit,” thuhej në një njoftim paralajmërues për lundrimin.
Operacioni i tërheqjes, që synonte ta mbante anijen larg qyteteve bregdetare në perëndim të kryeqytetit Tripoli, dështoi për shkak të kushteve të rënda atmosferike, bëri të ditur autoriteti me bazë në Tripoli.
Autoritetet u kërkuan të gjitha anijeve dhe mjeteve detare ushtarake të shmangin zonën dhe këshilluan të qëndrojnë të paktën 10 milje detare larg cisternës me flamur rus, Arctic Metagaz.
Cisterna po transporton LNG nga porti arktik rus i Murmansk dhe ka mbetur në lëvizje të pakontrolluar që nga fillimi i marsit, kur Ministria e Transportit e Rusisë tha se ishte goditur nga dronë detarë ukrainas të nisur nga Libia.
As Ukraina dhe as Libia nuk kanë komentuar mbi incidentin.
Italia, Franca, Spanja dhe gjashtë vende të tjera jugore të BE-së i shkruan Komisionit Evropian në mars duke paralajmëruar se cisterna përbënte “një rrezik të menjëhershëm dhe serioz për një katastrofë të madhe ekologjike”.
Roja bregdetare e Libisë kishte nisur tërheqjen e cisternës së braktisur javën e kaluar. (A2 Televizion)
A2 CNN Livestream
MUND TE LEXONI GJITHASHTU
