Themeluesi i China Evergrande Group, është dënuar me burgim të përjetshëm nga një gjykatë kineze dhe i është konfiskuar e gjithë prona personale. Vendimi vjen pesë vjet pasi falimentimi i firmës tronditi ekonominë dhe tregjet financiare të vendit.
Hui Ka Yan, dikur njeriu më i pasur i Azisë, u deklarua fajtor në prill për tetë akuza, duke përfshirë keqpërdorim të fondeve, mashtrim me mbledhjen e fondeve, marrjen e paligjshme të depozitave publike, dhënien e paligjshme të kredive, lëshimin mashtrues të letrave me vlerë dhe ryshfetin.
Drejtues të tjerë të Evergrande, përfshirë dy djemtë e Hui-t, Xu Zhijian dhe Xu Tenghe, u dënuan gjithashtu me burgim nga 22 muaj deri në 18 vjet, sipas mediave shtetërore.
Evergrande, dikur zhvilluesi kryesor i Kinës, ka dështuar të paguajë shumicën e detyrimeve prej 300 miliardë dollarësh, problemet e të cilit simbolizojnë një krizë në sektorin e pronave që ka kohë që e ka zvarritur ekonominë e dytë më të madhe në botë. (A2 Televizion)
A2 CNN Livestream
MUND TE LEXONI GJITHASHTU
