E trishtë| Përmbytjet në Valencia i marrin jetën edhe futbollistit 28-vjeçar

Përmbytjet me qindra viktima në Valencia të Spanjës i kanë marrë jetën edhe një futbollisti, 28-vjeçarit Josè Castillejo.

I riu ishte një sulmues anësor me të kaluar në Valencia, i lindur më 29 shkurt 1996. Ai luajti në ekipet e të rinjve të klubit deri në 18-vjeç. Po ashtu, gjatë karrierës së tij ai kishte luajtur edhe në ekipe të tjera në rajon si: Paterna, Torre Levante, Buñol, Recambio Colón de Valencia dhe CD Roda del Castellón, përveç Eldense (divizioni i tretë spanjoll).

Ishte vetë klubi spanjoll që ka bërë të ditur edhe lajmin për vdekjen e tij, përmes një postimi në rrjetet sociale.

“Valencia CF vajton vdekjen e José Castillejo, viktimë e fatkeqësive të DANA.

José Castillejo u rrit në radhët e të rinjve të klubit dhe luajti në ekipe të ndryshme në Komunitetin Valencias. Pusho në paqe”, shkruhet në postimin e Klubit.