Lëvizja e armatosur libaneze Hezbollah pretendon se ka gjuajtur raketa në një bazë të inteligjencës ushtarake pranë Tel Avivit disa orë para agimit. Në orën 02:30, luftëtarët shiitë "gjuan një breshëri raketash në bazën Glilot të Njësisë së Inteligjencës Ushtarake 8200", thuhet në një deklaratë.
Raketat që vinin nga Libani goditën qytetet izraelite Hasharon dhe Tira gjatë natës, afërsisht 22 dhe 30 kilometra në veri-lindje të Tel Avivit, duke shkaktuar lëndime dhe dëme.
Mediat izraelite raportojnë se si pasojë e sulmit me raketa nga Libani në Tira janë plagosur 11 persona.
Më parë ushtria kishte njoftuar se kishte zbuluar tre raketa që vinin nga vendi fqinj në hapësirën ajrore izraelite, disa prej të cilave ishin kapur, pasi sirenat paralajmëruese kishin rënë në qendër të vendit.
Shtetet e Bashkuara kanë njoftuar vendosjen e forcave të reja në Lindjen e Mesme për të trajtuar kërcënimin nga Irani. Këtë e ka bërë të ditur zëdhënësi i Pentagonit, gjenerali Pat Ryder. Këto përfshijnë luftanije të marinës, avionë luftarakë dhe avionë bombardues me rreze të gjatë B-52 të Forcave Ajrore të SHBA-së në rajon. Këto forca do të fillojnë të mbërrijnë në muajt e ardhshëm, tha Departamenti i Mbrojtjes. (A2 Televizion)
A2 CNN Livestream
MUND TE LEXONI GJITHASHTU
