Policia e Koresë së Jugut ekstradoi nga një burg në Filipine një të dyshuar si “bos droge” të akuzuar për drejtimin e një rrjeti narkotikësh në vend. Park Wang-yeol, i cili po vuante një dënim me 60 vjet burg për vrasje të trefishtë, u dërgua me aeroplan në Korenë e Jugut të mërkurën për ekstradim të përkohshëm, pasi Presidenti Lee Jae Myung kërkoi dorëzimin te Presidenti filipinas Ferdinand Marcos Jr në një takim të nivelit të lartë në fillim të këtij muaji, përcjell A2CNN.
Klauzola e përkohshme sipas një traktati midis dy vendeve ndalon dënimin në Filipine për të lejuar që i dyshuari të hetohet në Korenë e Jugut, thanë zyrtarë të ministrisë së jashtme dhe të drejtësisë në Seul. Disa media lokale të Koresë së Jugut raportuan se ai kishte shpërndarë rreth 60 kilogramë metamfetaminë në muaj me vlerë tregu prej 30 miliardë wonësh (20 milionë dollarë). (A2 Televizion)
A2 CNN Livestream
MUND TE LEXONI GJITHASHTU
