FIFA ka përjashtuar nga lista e Kupës së Botës një arbitër ndërkombëtar, pasi ai u arrestua në Mbretërinë e Bashkuar për një sulm të dyshuar seksual.
Në një reagim zyrtar, FIFA konfirmoi se është “në dijeni të akuzës serioze” dhe theksoi se arbitri nuk do të merret më në konsideratë për asnjë ndeshje të kompeticioneve të saj.
Ngjarja dyshohet të ketë ndodhur në një hotel, ndërsa arbitri ndodhej në Britani për një ndeshje të organizuar nga UEFA. Sipas raportimeve fillestare, bëhet fjalë për një incident që përfshin një të mitur, ndërsa identiteti i gjyqtarit nuk është bërë publik.
Edhe UEFA reagoi duke konfirmuar se nuk do ta përfshijë arbitrin në ndeshjet e saj, duke theksuar se rasti është pjesë e një hetimi aktiv dhe po ndiqet me shqetësim të madh.
Sipas mediave britanike, përfshirë The Sun, një burrë rreth të 30-ave është liruar me kusht nga Policia Metropolitane e Londrës, ndërsa hetimet vijojnë.
Kupa e Botës 2026, që do të zhvillohet në Shtetet e Bashkuara, Kanada dhe Meksikë, pritet të përfshijë një numër rekord ndeshjesh dhe zyrtarësh, por ky incident ka hedhur hije mbi përgatitjet e turneut. (A2 Televizion)
A2 CNN Livestream
MUND TE LEXONI GJITHASHTU
