Forcat izraelite kryen një valë arrestimesh në të gjithë Bregun Perëndimor të pushtuar në orët e para të mëngjesit, sipas agjencisë palestineze të lajmeve Wafa.
Në Kafr Qaddum, në lindje të Qalqilya-s, ushtarët hynë në qytet dhe arrestuan tre vëllezër dhe djalin e njërit prej tyre. Në periferi të Iktaba-s, në lindje të Tulkarem-it, forcat bastisën shtëpi në agim dhe ndaluan dy persona, përfshirë një ish-të burgosur. Ndërkohë, në Beit Ummar, në rajonin e Hebronit, tetë persona u arrestuan pasi ushtarët kryen kontrolle në disa lagje.
Forcat izraelite gjithashtu forcuan kufizimet e lëvizjes në pjesën veriore të Bregut Perëndimor të pushtuar, përcjell A2CNN.
Pikat e kontrollit në Atara dhe Ein Siniya, në veri të Ramallah-ut, u mbyllën për automjetet, ndërsa ushtarët hodhën gaz lotsjellës ndaj banorëve. Si pasojë, qindra makina mbetën të bllokuara në trafik. Gjithashtu, hyrje-daljet e Silwad dhe Deir Jarir u mbyllën në të dy drejtimet.
(A2 Televizion)
A2 CNN Livestream
MUND TE LEXONI GJITHASHTU
