Për herë të parë gjatë udhëtimit të tij drejt Shteteve të Bashkuara, avioni zyrtar i kryeministrit izraelit Benjamin Netanyahu shmangu hapësirën ajrore europiane, duke fluturuar mbi Mesdheun në jug të Spanjës dhe duke kaluar nëpër Ngushticën e Gjibraltarit.
Ky devijim është më shumë se 600 kilometra larg rrugës së zakonshme, e cila më parë kalonte nëpër Greqi, Itali dhe Francë.
Ky vendim ngre pikëpyetje politike dhe diplomatike, veçanërisht në lidhje me implikimet e urdhër-arrestit të lëshuar nga Gjykata Ndërkombëtare Penale kundër udhëheqësit izraelit.
Netanjahu udhëtoi drejt Nju Jorkut për të marrë pjesë në Asamblenë e Përgjithshme të Kombeve të Bashkuara dhe në takime zyrtare në Shtëpinë e Bardhë.
Rëndësia e kësaj zgjedhjeje shkon përtej aspektit teknik, duke hapur skenarë që lidhen me sigurinë ligjore dhe marrëdhëniet diplomatike midis Izraelit dhe vendeve europiane, kryesisht Spanjës dhe Francës. (A2 Televizion)
A2 CNN Livestream
MUND TE LEXONI GJITHASHTU
