Gjigandi kinez i prodhimit të makinave BYD thotë se Mbretëria e Bashkuar është bërë tregu i saj më i madh jashtë Kinës, pasi shitjet atje u rritën me 880% në shtator krahasuar me një vit më parë.
Sipas mediave të huaja, kompania thotë se shiti 11,271 makina në Mbretërinë e Bashkuar muajin e kaluar, me versionin hibrid plug-in të automjetit të saj sportiv (SUV) Seal U, që përbën pjesën më të madhe të këtyre shitjeve.
Kjo vjen pasi shifrat nga organi i industrisë së makinave, Shoqata e Prodhuesve dhe Tregtarëve të Motorëve (SMMT), treguan se shitjet e automjeteve elektrike (EV) u rritën në një nivel rekord në shtator.
Mbretëria e Bashkuar është veçanërisht tërheqëse për firma si BYD pasi vendi nuk ka vendosur tarifa për automjetet elektrike kineze, ndryshe nga tregjet e tjera të mëdha si Bashkimi Evropian dhe SHBA-ja, shkruan A2 CNN.
Kompania do të lançojë më shumë makina të reja hibride dhe elektrike në muajt në vijim, tha menaxheri i BYD në Mbretërinë e Bashkuar, Bono Ge. Ai shtoi se e ardhmja e markës në Britani duket "jashtëzakonisht emocionuese", pasi sapo ka hapur pikën e saj të 100-të me pakicë.
Shitjet e automjeteve elektrike në Mbretërinë e Bashkuar arritën një nivel rekord muajin e kaluar, me shitjet e automjeteve elektrike me bateri të pastër që u rritën në pothuajse 73,000, sipas SMMT. (A2 Televizion)
A2 CNN Livestream
MUND TE LEXONI GJITHASHTU
