Gjenerali amerikan Dan Caine ka detajuar specifikat e sulmit amerikan në bazën bërthamore iraniane në Fordow dhe se si ata depërtuan deri atje.
Sipas mediave të huaja, Caine tha se Uashingtoni shënjestroi boshtet e ventilimit të objektit bërthamor.
"Të gjashtë armët në secilën vrimë ajrimi në Fordow shkuan pikërisht aty ku ishin menduar të shkonin," tha ai, shkruan A2 CNN.
Caine tha se Irani, me sa duket i vetëdijshëm për sulmin e ardhshëm, u përpoq t'i mbulonte boshtet e ventilimit me beton.
"Nuk do të ndaj dimensionet specifike të kapakut të betonit, por duhet ta dini se ne i dimë dimensionet e atyre kapakëve të betonit", tha ai më tej.
Sipas tij, kapakët u shkatërruan nga sulmet e para, duke e lënë boshtin të zbuluar për sulmet pasuese.
Caine vazhdoi: "Boshti kryesor u zbulua për armët dy, tre, katër, pesë dhe atyre ‘iu ngarkua detyra’ të hynin në boshtin kryesor dhe u zhvendosën poshtë në kompleks me më shumë se 1000 këmbë në sekondë dhe shpërthyen në hapësirën e misionit.
"Arma numër gjashtë u projektua si një armë fleksibile për të na lejuar të siguroheshim nëse një nga reaktivët e mëparshëm, ose një nga armët e mëparshme, nuk funksiononte", tha ai.
'Ne nuk i vlerësojmë vetë detyrat e shtëpisë', vijoi ai më tej, raporton A2 CNN. (A2 Televizion)
A2 CNN Livestream
MUND TE LEXONI GJITHASHTU
