Goditet një ndërtesë në Oman, plagosen dy persona, kush mban përgjegjësi?

Një ndërtesë banimi ku strehoheshin punonjës në Oman është goditur të hënën, njoftuan autoritetet, pa dhënë shumë detaje mbi incidentin.

Ministria e Mbrojtjes tha në një deklaratë në platformën X, duke cituar një burim sigurie të paidentifikuar, se ndërtesa strehonte punonjës të një kompanie në distriktin Tibat, në qytetin Bukha. Dy shtetas të huaj u plagosën, katër automjete u dëmtuan dhe xhamat e një shtëpie aty pranë u thyen, përcjell A2CNN.

Bukha është një qytet në gadishullin Musandam të Omanit, një enklavë në skajin jugor të Ngushticës së Hormuzit që është e ndarë nga pjesa tjetër e vendit.

Autoritetet nuk kanë sqaruar nëse incidenti ishte rezultat i një sulmi apo kush mund të jetë përgjegjës, duke shtuar se hetimet janë ende në zhvillim. (A2 Televizion)