Një grup hakerësh të lidhur me Iranin ka pretenduar se ka arritur të depërtojë në llogarinë personale të emailit të drejtorit të FBI, Kash Patel, duke publikuar dokumente dhe fotografi private të tij.
Grupi i njohur si “Handala Hack Team” deklaroi se ka siguruar akses në të dhënat personale të Patel dhe paralajmëroi se ai tashmë i bashkohet listës së personave të hakuar prej tyre.
Lajmi është konfirmuar nga media ndërkombëtare si Reuters dhe CNN, të cilat citojnë burime të sigurisë dhe persona të njohur me çështjen. Ndërkohë, autoritetet amerikane, përfshirë FBI-në dhe Departamentin e Drejtësisë, nuk kanë reaguar ende zyrtarisht.
Sipas raportimeve, një pjesë e dokumenteve të publikuara datojnë më shumë se një dekadë më parë dhe përfshijnë korrespondencë udhëtimesh dhe komunikime biznesi. Gjithashtu, janë shpërndarë edhe fotografi personale të Patel.
Grupi i hakerëve, që e përshkruan veten si pro-palestinez, ka marrë përgjegjësinë edhe për një sulm të fundit kibernetik ndaj kompanisë së pajisjeve mjekësore Stryker.
Sipas pretendimeve të tyre, sulmi është kryer si hakmarrje ndaj sulmeve të SHBA-së dhe Izraelit në Iran, duke e cilësuar atë si pjesë të një faze të re të luftës kibernetike.
Ndërkohë, tensionet mes Iranit dhe vendeve perëndimore vijojnë të rriten, me paralajmërime për përshkallëzim të sulmeve ndaj interesave ekonomike dhe strategjike.
(A2 Televizion)
A2 CNN Livestream
MUND TE LEXONI GJITHASHTU
