"E keqja e regjimit sionist në sulmin e tij të shtunën kundër Iranit nuk duhet as të zmadhohet dhe as të nënçmohet," tha të dielën Ayatollah Ali Khamenei, udhëheqësi suprem i Iranit.
Sipas tij “sulmi i së shtunës është një llogaritje e gabuar e sionistëve nuk duhet të zhvlerësohet, në mënyrë që ata të kuptojnë fuqinë dhe vendosmërinë e Iranit”, citon A2 liderin suprem iranian.
Në reagimin e tij të parë ndaj sulmeve izraelite në Iran, lideri theksoi se autoritetet iraniane do të vendosin reagimin e duhur, bazuar në interesin e vendit.
“I takon autoriteteve të përcaktojnë se si të përcjellin fuqinë dhe vullnetin e popullit iranian te regjimi izraelit dhe të ndërmarrin veprime që i shërbejnë interesave të këtij kombi dhe vendi”, tha ai, raporton A2.
Irani po peshon me kujdes përgjigjen e tij ndaj sulmit izraelit. Ushtria iraniane ka thënë se një armëpushim në Rripin e Gazës ose Liban tejkalon çdo sulm hakmarrës ndaj Izraelit, megjithëse zyrtarët iranianë gjithashtu kanë thënë se rezervojnë të drejtën për t'u përgjigjur. (A2 Televizion)
A2 CNN Livestream
MUND TE LEXONI GJITHASHTU
