Të tjera detaje kanë dalë në dritë pas sulmeve të Izraelit kundër bazave ushtarake të Iranit. Rezulton se janë vrarë dy ushtarë iranian gjatë sulmit izraelit.
Bëhet e ditur se sulmi ndaj Iranit zgjati më shumë se tre orë, me tre valë të ndryshme, gjatë të cilave Izraeli sulmoi bazat ushtarake, sistemet e mbrojtjes ajrore, objektet e prodhimit të raketave dhe lëshuesit e raketave tokë-tokë në distriktet e Teheranit.
Sipas disa raporteve, sistemet e mbrojtjes ajrore në Siri dhe Irak u goditën nga sulmet izraelite gjatë aksionit për t'i dhënë lirinë e veprimit luftëtarëve të drejtuar për në Iran, shkruan A2.
Ndërkohë, Irani ishte paralajmëruar nga inteligjenca ruse për sulmin ndaj bazave ushtarake. Nga ana e tyre, Izraeli kishte informuar Ministrin e Jashtëm të Holandës për sulmin. “Izraelitët ua bënë të qartë paraprakisht iranianëve se çfarë do të sulmonin në përgjithësi dhe çfarë jo”, tha një burim për Reuters. (A2 Televizion)
A2 CNN Livestream
MUND TE LEXONI GJITHASHTU
