Një sulm me dron pranë centralit bërthamor Barakah në Emiratet e Bashkuara Arabe ka shkaktuar zjarr dhe ka rritur ndjeshëm tensionet në rajon.
Sipas Ministrisë së Mbrojtjes së Emirateve, sistemet e mbrojtjes ajrore kanë zbuluar tre dronë që hynin nga drejtimi perëndimor. Dy prej tyre janë rrëzuar, ndërsa i treti ka goditur një gjenerator energjie pranë centralit.
Autoritetet konfirmuan se nuk ka të lënduar dhe nuk është regjistruar rritje e niveleve të rrezatimit.
Ministria e Jashtme e Emirateve e cilësoi ngjarjen si “përshkallëzim të rrezikshëm” dhe “akt agresioni të papranueshëm”, duke bërë të ditur se hetimet për origjinën e sulmit janë duke vazhduar.
Edhe Agjencia Ndërkombëtare e Energjisë Atomike (IAEA) ka shprehur shqetësim të thellë, duke theksuar se çdo veprim ushtarak që rrezikon sigurinë bërthamore është i papranueshëm.
Centrali Barakah ndodhet rreth 200 kilometra në perëndim të Abu Dhabit dhe furnizon një pjesë të madhe të energjisë elektrike të vendit. (A2 Televizion)
A2 CNN Livestream
MUND TE LEXONI GJITHASHTU
