Irani nuk ka ndërmend të fillojë negociatat me Shtetet e Bashkuara. Pas lajmeve të disa mediave amerikane se Trump po kërkonte negociata, përfaqësuesit e Iranit e kanë hedhur poshtë këtë mundësi.
Kreu me ndikim i Këshillit të Sigurisë Kombëtare, Ali Larijani, ish-këshilltar i ngushtë i Ajatollah Ali Khameneit, hedh poshtë çdo negociatë me qeverinë amerikane.
"Ne nuk do të negociojmë me SHBA-në", deklaroi Larijani në X. Ai hodhi poshtë raportet e medias se përfaqësuesit iranianë ishin përpjekur të fillonin bisedime me Uashingtonin. Larijani akuzoi Trump se e ka "zhytur rajonin në kaos me 'shpresa të rreme'".
Tani, shtoi ai, "Trump është i shqetësuar për viktima të mëtejshme midis ushtarëve amerikanë". Por "përmes veprimeve të tij iluzive, ai e ka transformuar sloganin e tij personal 'Amerika e Para' në 'Izraeli i Para' dhe ka sakrifikuar ushtarët amerikanë për etjen e Izraelit për pushtet. Sot", vazhdoi ai, "kombi iranian po mbron veten".
Ndërkohë bëhet e ditur se një avion luftarak amerikan F-35 është rrëzuar në Kuvajt. Raportohet se pilotët e avionit amerikan nuk janë lënduar nga sulmi. (A2 Televizion)
A2 CNN Livestream
MUND TE LEXONI GJITHASHTU
