Anijet që planifikojnë të kalojnë nëpër Ngushticën e Hormuzit duhet të ndjekin rrugë alternative, për të “përmbushur parimet e sigurisë detare dhe për t’u mbrojtur nga përplasjet e mundshme me minat detare”. Kjo është njoftuar nga Garda Revolucionare e Iranit në një deklaratë të cituar në median shtetërore iraniane.
Deklarata vazhdon duke paraqitur rrugët alternative, së bashku me një hartë që i tregon ato. Anijet që hyjnë nga Deti i Omanit duhet të lundrojnë në veri të ishullit Larak, pastaj të vazhdojnë drejt Gjirit Persik.
Anijet që lundrojnë në drejtimin e kundërt duhet të dalin nga Gjiri Persik, të kalojnë në jug të ishullit Larak dhe të vazhdojnë drejt Detit të Omanit.
Irani ka paralajmëruar gjithashtu se anijet që kalojnë nëpër Ngushticën e Hormuzit pa leje do të "shënjestrohen dhe shkatërrohen".
Kryetari i parlamentit të Iranit thotë se tre klauzola të armëpushimit tashmë janë "shkelur hapur dhe qartë". (A2 Televizion)
A2 CNN Livestream
MUND TE LEXONI GJITHASHTU
