Ish-zëvendës sekretarja e përgjithshme e NATO-s, Rose Gottemoeller, tha këtë mbrëmje se Vladimir Putin është duke e “ngrënë Trumpin” dhe nuk ka ndërmend të nënshkruajë ndonjë marrëveshje paqeje.
Sipas mediave tw huaja, ajo thotë se mendon se Trump "po e kupton këtë" dhe shton se ai tani mund të ndjekë kërcënimet e mëparshme për të vendosur më shumë sanksione ndaj Moskës.
Ndërkohë, Evropa "mund të jetë një pjesëmarrëse efektive" në çdo negociatë falë rëndësisë së saj për sanksionet ekzistuese.
Ajo vijon më tej duke thënë se ka shanse "zero" që SHBA të largohet nga NATO, megjithëse Trump do t'i lejojë anëtarët e tjerë të marrin drejtimin.
Për një forcë sigurie në Ukrainë, e përmendur më herët edhe nga Presidenti francez Emmanuel Macron, ajo thotë se ka "shumë gjëra për t'u përcaktuar", shkruan A2 CNN.
"Do të jetë e mundur vetëm të kemi një forcë sigurie efektive nëse SHBA-ja është e gatshme ta mbështesë atë," shton ajo.
“Ka ende shumë pyetje për t'u përgjigjur, por mendoj se mund të funksionojë. Forcat e sigurimit kanë luajtur një rol të mirë në të kaluarën gjatë një procesi paqeje, por ne ende nuk mjaftojmë nëse paqja do të marrë formë fare", përfundoi ajo. (A2 Televizion)
A2 CNN Livestream
MUND TE LEXONI GJITHASHTU
