Sulmet izraelite në jug të Libanit, në zonën e Nabatieh, kanë shkaktuar viktima dhe të plagosur. Ministri i Shëndetësisë i Libanit bëri të ditur se bombardimet që goditën qytetin Nabatieh al-Fawqa kanë vrarë dy persona dhe kanë lënë të paktën 10 të tjerë të plagosur, disa prej tyre në gjendje të rëndë, përcjell A2CNN.
Sipas Agjencisë Kombëtare të Lajmeve, gjatë të njëjtës ditë janë raportuar edhe sulme ajrore të tjera izraelite në qytetet Haris dhe Al-Tayri, duke rritur tensionet në rajon.
Përveç sulmeve ajrore, është raportuar edhe granatim me artileri në disa zona të tjera jugore, përfshirë Kfarshouba, al-Mansouri, Qounine dhe Wadi al-Hujair. Këto zhvillime tregojnë një përshkallëzim të situatës së sigurisë në jug të Libanit, ku përplasjet ndërkufitare kanë qenë të shpeshta dhe rreziku i një konflikti më të gjerë mbetet i lartë. (A2 Televizion)
A2 CNN Livestream
MUND TE LEXONI GJITHASHTU
