Kaos në qiellin amerikan, bllokohen deri në 15 mijë fluturime pas një defekti në komunikim

Shtetet e Bashkuara përjetuan një nga ndërprerjet më të mëdha të trafikut ajror të viteve të fundit, pasi një defekt në sistemet e komunikimit të kontrollit ajror detyroi autoritetet të ndalonin për më shumë se katër orë nisjet e fluturimeve në të gjithë vendin.

Sipas të dhënave të FlightAware, deri në 15 mijë fluturime u prekën nga anulimet dhe vonesat, duke lënë dhjetëra mijëra pasagjerë të bllokuar në aeroporte dhe duke shkaktuar kaos edhe në trafikun ndërkombëtar. Administrata Federale e Aviacionit dhe FBI-ja përjashtuan mundësinë e një sulmi kibernetik, ndërsa defekti dyshohet se preku 22 qendra rajonale të kontrollit të trafikut ajror.

Presidenti Donald Trump fajësoi infrastrukturën e vjetruar, duke pretenduar se një pjesë e sistemeve të komunikimit është rreth 55 vjet e vjetër dhe nuk është zëvendësuar.

Ndërsa sekretari i Transportit, Sean Duffy, tha se pajisjet e rrjetit ishin mbingarkuar nga të dhënat, duke theksuar se modernizimi i sistemit kërkon investime prej 50 miliardë dollarësh. (A2 Televizion)