Presidenti turk, Rexhep Taip Erdogan, nga samiti i Organizatës së Bashkëpunimit Ekonomik në Uzbekistan ka qenë i ashpër në raport me qëndrimin e shteteve perëndimore për situatën në Rripin e Gazës.
Lideri turk tha se ata po heshtin kur bëhet fjalë për sulmet e Izraelit ndaj civilëve në Gaza, të cilat kanë arritur në nivelin e “gjenocidit”.
“Vendet perëndimore, të cilat vazhdimisht flasin për të drejtat dhe liritë e njeriut dhe demokracinë, po i shikojnë këto masakra të Izraelit nga larg. Ata janë shumë të dobët për të bërë thirrje për armëpushim, e lëre më për të kritikuar vrasësit e fëmijëve", tha Erdogan.
Më tej, ai u shpreh se zhvillimet në frontin e konfliktit mes Hamasit dhe Izraelit tregojnë edhe një herë se myslimanët duhet të forcojmë unitetin e tyre.
“Ne vazhdojmë nismat tona diplomatike. Nën kujdesin e bashkëshortes sime, më 15 nëntor do të mbahet në Stamboll një takim ndërkombëtar me pjesëmarrjen e bashkëshortëve të ministrave të shtetit dhe qeverisë. Do të ketë një solidaritet të fortë për vëllezërit tanë në Gaza. Është shumë e rëndësishme që të ngremë zërin së bashku”, deklaroi Erdogan. (A2 Televizion)
A2 CNN Livestream
MUND TE LEXONI GJITHASHTU
