Kryeministri britanik Sir Keir Starmer ka paralajmëruar se Mbretëria e Bashkuar do të njohë shtetin palestinez në shtator përpara Asamblesë së Përgjithshme të Kombeve të Bashkuara (UNGA).
Por sipas mediave të huaja, kryeministri britanik ka renditur edhe disa kushte që kjo të ndodhë.
Sipas një letre me shkrim nga mbledhja e kabinetit që ai mbajti më parë, Starmer tha se kjo do të ndodhte "përveç nëse qeveria izraelite ndërmerr hapa thelbësorë për t'i dhënë fund situatës së tmerrshme në Gaza, arrin një armëpushim, e bën të qartë se nuk do të ketë aneksim në Bregun Perëndimor dhe angazhohet për një proces paqeje afatgjatë që ofron një zgjidhje me dy shtete".
Ai përsëriti gjithashtu se nuk ka ekuivalencë midis Izraelit dhe Hamasit dhe se kërkesat e Mbretërisë së Bashkuar ndaj Hamasit mbeten - që ata duhet të lirojnë të gjithë pengjet, të nënshkruajnë një armëpushim, të pranojnë se nuk do të luajnë asnjë rol në qeverinë e Gazës dhe të çarmatosen, shkruan A2 CNN.
Starmer u zotua të bëjë një vlerësim përpara Asamblesë së Përgjithshme të OKB-së se sa i kanë përmbushur palët këto hapa përpara se të marrë një vendim përfundimtar, duke siguruar që asnjëra palë të mos ketë të drejtë veto, thuhet në deklaratë. (A2 Televizion)
A2 CNN Livestream
MUND TE LEXONI GJITHASHTU
