Presidenti amerikan Joe Biden, dhe presidenti i zgjedhur Donald Trump u përpoqën të dy të merrnin meritat për armëpushimin e arritur në Gaza, negociatat për të cilin kishin muaj që kishin nisur, por që u shtynë drejt një zgjidhej edhe nga përfaqësuesit e Trump.
Ky i fundit, nxitoi të theksonte rolin e tij në arritjen e ujdisë përmes një postimi në rrjetet sociale.
“Kjo marrëveshje epike, mund të ndodhte vetëm si rezultat i fitores sonë historike në nëntor, teksa i tregoi të gjithë botës se administrata ime mund të çojë drejt paqes dhe të negociojë marrëveshje për të garantuar sigurinë e të gjithë amerikanëve”, tha Trump.
Ndërkohë presidenti amerikan Joe Biden, pohoi se ujdia përfundimtare ishte një pasqyrë e kornizës së propozimeve që ai u kishte paraqitur palëve që prej muajit maj.
81 vjeçari qeshi kur një gazetar e pyeti se cilit do t’i njihet merita për armëpushimin në librat e historisë. “A është kjo një shaka”, ishin fjalët e Biden.
Ai theksoi se plani ishte ideuar dhe negociuar nga ekipi i tij dhe do te implementohej nga administrata e ardhshme. (A2 Televizion)
A2 CNN Livestream
MUND TE LEXONI GJITHASHTU
