Britania e Madhe dhe Ukraina do nënshkruajnë marrëveshjen për partneritetin e cila do të qëndrojë në fuqi për afro 100 vjet. Kryeministri britanik Keir Starmer tha se do t'i jepte Ukrainës mbështetjen e nevojshme për ta vendosur atë në pozicionin më të fortë për të luftuar Rusinë në vitin 2025, duke thënë para bisedimeve në Kiev me Presidentin Volodymyr Zelenskiy: “Ne duhet që të mos dorëzohemi”.
“Tani bashkimi i NATO-s është më i fortë se kurrë. Pasojat e këtij konflikti ka qenë bashkimi më i fuqishëm i NATO-s. Ai është më i madh dhe më i fortë se sa ka qenë, dhe ne duhet të qëndrojmë prapa Ukrainës për aq kohë sa duhet. Por kur themi Ukraina duhet të jetë në pozicionin më të fortë të mundshëm, kjo nuk mund të jetë vetëm fjalë dhe kjo është arsyeja pse unë kam pasur diskutime kaq intensive me Presidentin Zelenskyy gjatë muajve të parë që unë kam qenë në detyrë, do të bëj sërish këtu në Ukrainë, tha Starmer.
Udhëtimi i Starmer vjen disa ditë pas inaugurimit të Presidentit të zgjedhur Donald Trump në Shtëpinë e Bardhë, i cili në disa raste ka nënvizuar dëshirën e tij për t'i dhënë fund luftës midis Ukrainës dhe Rusisë, shkruan A2 CNN. Ndërkohë, Kievi ka deklaruar se në qendër të bisedimeve mes Starmer dhe Zelensky do të jetë edhe mundësia e stacionimit të trupave perëndimore në Ukrainë për të monitoruar një marrëveshje të mundshme armëpushimi, propozim i paraqitur fillimisht nga presidenti francez Emmanuel Macron. Ndërsa Starmer takoi zyrtarët në Kiev, një shpërthim i fuqishëm u dëgjua nga sistemet e mbrojtjes ajrore të Ukrainës që rrëzuan dronët rusë.
Lufta kundër Rusisë i afrohet kufirit të saj tre-vjeçar, Ukraina është në vështirësi në vijat e frontit. Forcat ukrainase po vuajnë nga mungesa e fuqisë punëtore dhe po humbasin terren në rajonin lindor të Donetskut ndërsa trupat ruse vazhdojnë avancimin e tyre zvarritës atje. Që nga pushtimi i Rusisë në vitin 2022, Britania ka qenë një mbështetëse e zëshme e Ukrainës, me paraardhësit e Starmer që vizituan Kievin në ditët e para të mandatit të tyre. Traktati dhe deklarata politike synojnë të nxisin bashkëpunimin ushtarak për të forcuar sigurinë në Detin Baltik, Detin e Zi dhe Detin Azov dhe për të penguar agresionin rus. Traktati do të mbulojë gjithashtu fusha të tilla si energjia, mineralet kritike dhe prodhimi i çelikut të gjelbër, tha zyra e Starmer. (A2 Televizion)
A2 CNN Livestream
MUND TE LEXONI GJITHASHTU
