Presidenti francez Emmanuel Macron ka zhvilluar ditën e sotme një bisedë me homologun izraelit Benjamin Netanyahu për situatën në Rripin e Gazës.
Sipas raportimeve, Macron theksoi gjatë bisedës me kryeministrin e Izraelit se lirimi i të gjithë pengjeve, përfshirë tre shtetas të vendit të tij, është prioriteti më i lartë i Francës.
Ai gjithashtu i shprehu Netanyahut “shqetësimin e tij të thellë” për numrin e madh të civilëve të vrarë në Rripin e Gazës dhe situatën emergjente humanitare në rajon. Netanyahu u informua edhe për bashkëpunimin mes Francës dhe Jordanisë në lidhje me transferimin e ndihmave humanitare në Gaza.
Macron i tha gjithashtu Netanyahut se Izraeli e ka detyrim të mbrojë civilët dhe theksoi nevojën për të punuar për një armëpushim të qëndrueshëm me ndihmën e të gjithë partnerëve rajonalë dhe ndërkombëtarë.
Netanyahu, nga ana e tij, siç bëhet e ditur, falënderoi Macronin për përfshirjen e Francës në mbrojtjen e lirisë së lundrimit në Detin e Kuq dhe për gatishmërinë e saj për të ndihmuar në rivendosjen e sigurisë në kufirin e Izraelit me Libanin.
Duke iu referuar veriut, Macron e siguroi Netanyahun se vendi i tij vazhdon të punojë me partnerët e tij ndërkombëtarë për të parandaluar një përshkallëzim të situatës me Hezbollahun. (A2 Televizion)
A2 CNN Livestream
MUND TE LEXONI GJITHASHTU
