Masakër në një bar në Karolinën e Jugut, katër të vdekur dhe 20 të plagosur

Të paktën katër të vdekur dhe 20 të plagosur janë shënuar nga të shtënat me armë zjarri në Karolinën e Jugut.

Tragjedia ndodhi herët në mëngjes në një bar në ishullin idilik të Shën Helenës, kur një person i armatosur hapi zjarr ndaj një turme, duke vrarë katër persona dhe duke plagosur të paktën 20 të tjerë, katër prej të cilëve janë në gjendje kritike në spitalet e zonës sipas autoriteteve lokale.

Incidenti ndodhi në Willie's Bar and Grill, një vend i njohur në zonë që ishte plot me njerëz në atë kohë. Kur oficerët nga Zyra e Sherifit të Qarkut Beaufort mbërritën në vendngjarje, gjetën disa persona të mbuluar me plagë nga të shtënat me armë zjarri.

"Viktima dhe dëshmitarë të shumtë vrapuan në bizneset dhe banesat aty pranë për të kërkuar strehim nga të shtënat", tha zyra e sherifit në një deklaratë në platformën ‘X’.

Autoritetet e cilësuan këtë një “incident tragjik dhe të vështirë për të gjithë” dhe kërkuan durim ndërsa hetimi vazhdon. “Mendimet tona janë me të gjitha viktimat dhe familjet e tyre”, shtohej në deklaratë.

Autoritetet ende nuk kanë njoftuar identitetin e viktimave, ndërsa hetimi vazhdon për të identifikuar autorin ose autorët dhe motivet e sulmit. (A2 Televizion)