Të paktën 103 civilë palestinezë u vranë në Rripin e Gazës të dielën, pas sulmeve izraelite.
Bëhet e ditur se më shumë se 48 persona u vranë në sulmet ajrore përreth qytetit jugor të Khan Yunis, disa prej të cilave goditën shtëpi dhe tenda ku thuhet se janë strehuar persona të zhvendosur.
Midis të vdekurve ishin 18 fëmijë dhe 13 gra, thekson Reuters. Në veri të Rripit të Gazës, një sulm ndaj një shtëpie në kampin e refugjatëve Jabaliya vrau nëntë persona nga e njëjta familje.
Një tjetër sulm ndaj shtëpisë së një familjeje, gjithashtu në Jabaliya, thuhet se vrau dhjetë persona, përfshirë shtatë fëmijë dhe një grua, shkruan A2 CNN.
Ushtria izraelite ndërkohë nuk komentoi mbi sulmet e së dielës. Izraeli fajëson Hamasin për viktimat civile të operacioneve të tij, sepse grupi militant vepron nga zona civile. (A2 Televizion)
A2 CNN Livestream
MUND TE LEXONI GJITHASHTU
