Një grua ka vdekur në një incident me parashutë në Qarkun Durham, në Mbretërinë e Bashkuar.
Sipas mediave të huaja, ekipet e emergjencës u thirrën në fermën Wreford në Shotton Colliery, pranë Peterlee, rreth orës 10:30 të mëngjesit të dielën.
Gruaja, rreth të 30-ave, u shpall e vdekur në vendngjarje, shkruan A2 CNN.
Një zëdhënës i Policisë së Durhamit tha se vdekja nuk po trajtohet si e dyshimtë dhe se një dosje do të përgatitet tani për mjekun ligjor.
Një zëdhënës i Shërbimit të Ambulancës Verilindore tha se u thirr për incidentin në orën 10:17 të mëngjesit të dielën.
"Ne dërguam një ekip ambulance dhe një ndihmës mjekësor specialist në incident", shtoi zëdhënësi, shkruan A2 CNN.
Ish-fshati minerar i Shotton Colliery ka një popullsi prej gati 5,000 banorësh, sipas regjistrimit të fundit.
Ferma Wreford përshkruhet në faqen e saj të internetit si një "fermë e vogël familjare" që prodhon mish derri dhe viçi duke përdorur "bujqësi rigjeneruese". (A2 Televizion)
A2 CNN Livestream
MUND TE LEXONI GJITHASHTU
