Zëvendësministri i Jashtëm i Rusisë, Sergei Ryabkov, i tha më parë gazetarit të Sky News, Ivor Bennett, në Moskë, se "të gjitha opsionet" janë në tryezë kur bëhet fjalë për një përgjigje ndaj sulmeve të fundit të Ukrainës.
Sipas mediave të huaja, analisti i sigurisë dhe mbrojtjes, Michael Clarke, tha se një opsion që pothuajse me siguri mund ta përjashtojmë, është që Rusia të përdorë armë bërthamore.
Komentet Clarke i bëri në pyetjet dhe përgjigjet e tij javore mbi luftën në Ukrainë këtë pasdite, shkruan A2 CNN.
“Rusët nuk kanë treguar asnjë shenjë, asnjë shenjë fizike, për të çuar përpara armët e tyre bërthamore taktike ose për të sjellë ndonjë nga përgatitjet së bashku”, tha Clarke.
Clarke shpjegoi më tej se Rusia përdor retorikën bërthamore për të frikësuar të gjithë, por nuk ka asnjë avantazh të vërtetë që mund të fitojë duke përdorur armë bërthamore taktike.
"Ata do të duhej të përdornin pesë ose gjashtë bomba me madhësinë e Hiroshimës për të shkatërruar një brigadë ukrainase, të shpërndarë siç janë zakonisht", tha ai.
"Pra, ata do të duhej të përfshiheshin në një luftë bërthamore në një shkallë të gjerë dhe vetëm atëherë kjo do të shkatërronte një brigadë ukrainase", vijoi ai më tej.
Si alternativë, ata do të duhej të lëshonin dy ose tre armë bërthamore në një qytet.
“Putini do të humbiste mbështetësit dhe mbeshtetësit e tij më të rëndësishëm nëse do ta thyente këtë tabu”, tha Clarke.
Kjo përfshin Indinë dhe Kinën, sepse "do të kishte pasoja shumë të këqija në pjesën tjetër të jugut global".
"Putini dëshiron të hyjë në histori si një udhëheqës i madh rus. Jam mjaft i sigurt se ai nuk dëshiron të hyjë në histori si njeriu që theu tabunë, njeriu i parë që përdori armë bërthamore në një mënyrë agresive [që nga Lufta e Dytë Botërore]", shtoi Clarke. (A2 Televizion)
A2 CNN Livestream
MUND TE LEXONI GJITHASHTU
