“Protokolli me Shqipërinë nuk pretendon të jetë një ilaç, por një mjet shtesë për të menaxhuar ardhjet masive të emigrantëve”. Kështu u shpreh ministri i Jashtëm italian, Antonio Tajani, në komunikimin e tij në Dhomën e përfaqësuesve për marrëveshjen Itali-Shqipëri për emigrantët.
“Marrëveshja e nënshkruar më 6 nëntor është një komponent i rëndësishëm i një strategjie të përgjithshme. Dhe një model i mundshëm, jo vetëm për Italinë, për bashkëpunimet e ardhshme me vendet mike”, u shpreh Tajani.
“Debati për këtë çështje dhe votimi që do ta përfundojë atë tregojnë, nëse ka pasur nevojë, se qeveria jonë nuk i është shmangur asnjëherë dialogut dhe shqyrtimit nga Parlamenti, veçanërisht për çështje të një rëndësie të tillë. Le të shqyrtojmë prandaj votimi i rezolutës është vetëm një hap i parë, por domethënës, në këtë drejtim dhe një tregues i çmuar", sqaron zëvendëskryeministri italian.
Sipas tij, projektligji përmban rregullat dhe ndarjet e nevojshme për zbatimin e protokollit.
"Qeveria synon të paraqesë me shpejtësi në Dhoma një projektligj ratifikimi, i cili përmban gjithashtu rregullat dhe ndarjet e nevojshme për zbatimin e Protokollit. Diskutimi në Kuvend për të do të ofrojë mundësinë për një diskutim të thelluar dhe të arsyetuar. Shpresojmë që miratimi të bëhet në kohë të përputhshme me urgjencën e adresimit, edhe me mjete novatore, të menaxhimit të flukseve migratore në rritje”. (A2 Televizion)
A2 CNN Livestream
MUND TE LEXONI GJITHASHTU
