Kremlini ka mohuar që Donald Trump dhe Vladimir Putin të kenë pasur një bisedë telefonike javën e kaluar, ku u përfol se presidenti i zgjedhur i SHBA-së i kërkoi udhëheqësit rus të mos përshkallëzojë luftën në Ukrainë.
Ëashington Post dhe Reuters, të dy raportuan se gjatë telefonatës, e cila thuhet se ka ndodhur në ditët pas zgjedhjeve në SHBA, Trump i kujtoi Putinit praninë e konsiderueshme ushtarake të Amerikës në Evropë.
Sipas disa burimeve të tjera, dyshja vazhdoi të diskutojë mbi qëllimin e paqes në kontinent, si dhe perspektivën e thirrjes së një takimi, për të shqyrtuar zgjidhjen e konfliktit në Ukrainë.
Kremlini ka mohuar që një telefonatë e tillë të ketë ndodhur, duke e quajtur raportin e Ëashington Post "fiksion i pastër".
"Ky është shembulli më i qartë i cilësisë së informacionit të botuar në botime mjaft të njohura. Është krejtësisht i pasaktë. Ky është trillim i pastër; është thjesht informacion i rremë," tha zëdhënësi i Kremlinit Dmitry Peskov.
Ai shtoi se Putin nuk ka "nuk ka plane specifike" për të folur me zotin Trump për momentin. (A2 Televizion)
A2 CNN Livestream
MUND TE LEXONI GJITHASHTU
