Është ngjarja astronomike e vitit, eklipsi total diellor është i pari i shekullit që kapërcen tri vendet. I dukshëm në shumë vende, eklipsi zgjati më shumë se 4 minuta, duke sjellë errësirën në mes të ditës.
Udhëtimi i hijes së Hënës filloi në Meksikë, duke kaluar SHBA-në nga Teksasi në Maine dhe në brigjet e Atlantikut të Kanadasë.
Miliona njerëz ngritën kokën për ngjarjen astronomike të vitit, me shkolla të mbyllura, stadiume plot, hotele të rezervuara, dasma masive, eksperimente shkencore dhe teori konspirative, nga ato apokaliptike në ato politike. Vetëm në Shtetet e Bashkuara u vlerësua një audiencë prej mbi 200 milionë spektatorësh.
Miliarda njerëz në mbarë botën e panë eklipsin në TV ose në internet. Qytetet që patën fatin të shihnin eklipsin total ishin San Antonio, Dallas, Indianapolis, Cleveland, Buffalo, Kanada, Montreal, si dhe Niagara Falls, ku rreth një milion njerëz prisnin të shihnin ngjarjen.
Një eklips i plotë diellor ndodh kur Hëna kalon midis Diellit dhe Tokës, duke fshehur për një moment plotësisht diskun diellor. Për eklipsin e radhës në Amerikën e Veriut do të duhet të presim deri në vitin 2044.
(A2 Televizion)
A2 CNN Livestream
MUND TE LEXONI GJITHASHTU
