Nuk kemi asgjë për të fshehur. Me këtë pohim, presidenti amerikan Donald Trump i bëri thirrje republikanëve të tij në kongres të votojnë për publikojnë dokumentet e lidhura me abuzuesin seksual, Jeffrey Epstein, në një përmbysje të qëndrimit të tij të mëhershëm.
Mesazhi i Trump në rrjetet sociale erdhi pasi kreu i dhomës së përfaqësuesve Mike Johnson deklaroi se besonte që një votim mbi publikimin e dosjes në duart departamentit të drejtësisë për rastin Epstein do t’i jepte fund pretendimeve se Trump kishte ndonjë lidhje me trafikimin dhe abuzimin e vajzave të mitura, nga ana e financierit të vetëvrarë.
“Republikanët e dhomës së përfaqësuesve duhet të votojnë për publikimin e materialeve pasi ne nuk kemi asgjë për të fshehur. Është koha t’I vëmë kapakun këtij mashtrimi demokrat të përgatitur nga lunatikët e së majtës radikale me qëllim që të devijojnë vëmendjen nga suksesi i madh i partisë Republikane, përfshirë fitoren tonë të fundit ndaj “mbylljes së qeverisë” nga ana e demokratëve”, tha Donald Trump.
Edhe pse Trump dhe Epstein janë fotografuar së bashku disa dekada më parë, presidenti ka thënë se ata I kishin ndërprerë marrëdhëniet para dënimit të Epstein.
Emaile të publikuara javën e kaluar nga një komisionin i Dhomës së Përfaqësuesve, treguan se financieri i vetëvrarë besonte se Trump ishte në ‘’dijenitë vajzave’’, edhe pse nuk është e qartë se çfarë nënkupton kjo frazë.
Në një prej emaileve që ai i çonte bashkëpunëtores së tij, Ghislaine Maxëell ai pretendonte se Trump kishte kaluar disa orë në shtëpinë e tij me një prej vajzave. Presidenti republikan që i cilëson këto si një fushatë shpifje ka udhëzuar departamentin e drejtësisë të hetojë lidhjet e Epstein me figura kyçe të demokratëve, përfshirë Bill Clinton. Çështja ka ndarë republikanët në kongres, me disa prej tyre që besojnë se qeveria po fsheh informacione sensitive. (A2 Televizion)
A2 CNN Livestream
MUND TE LEXONI GJITHASHTU
