Administrata e presidentit amerikan Donald Trump ka vendosur sanksione të reja ndaj Gjykatës Ndërkombëtare Penale (GJNP), duke përshkallëzuar përplasjen me institucionin ndërkombëtar dhe duke rritur tensionet diplomatike me aleatët evropianë.
Mediat e huaja bëjnë me dije se masa u njoftua të martën dhe vjen në vazhdën e qëndrimit kundërshtues të Uashingtonit ndaj veprimtarisë së gjykatës, veçanërisht kur bëhet fjalë për çështje që prekin qytetarët amerikanë. Administrata Trump kishte vendosur më herët sanksione ndaj prokurorëve dhe gjyqtarëve të institucionit, ndërsa vendimi i ri e zgjeron presionin edhe ndaj vetë gjykatës.
Sipas deklaratës së sekretarit amerikan të Shtetit, Marco Rubio, Uashingtoni synon të ndërpresë transaksionet me GJNP-në dhe të kufizojë burimet që mbështesin funksionimin e saj.
Trump ka argumentuar vazhdimisht se gjykata nuk duhet të ketë autoritet për të ndjekur penalisht amerikanët. Nga ana tjetër, masa e fundit pritet të ngrejë shqetësime për pasojat e mundshme mbi bashkëpunimin ndërkombëtar në fushën e drejtësisë dhe llogaridhënies. Vendimi rrezikon të thellojë mosmarrëveshjet mes Shteteve të Bashkuara dhe vendeve evropiane që mbështesin pavarësinë e institucioneve ndërkombëtare të drejtësisë. (A2 Televizion)
A2 CNN Livestream
MUND TE LEXONI GJITHASHTU
