Tre koncertet e ardhshme të Taylor Swift në Vjenë janë anuluar pas një kërcënimi të mundshëm për një sulm terrorist.
Shfaqjet, pjesë e turneut të Swift Eras, do të mbaheshin të enjten, të premten dhe të shtunën në stadiumin “Ernst Happel”.
Të mërkurën, dy persona u arrestuan me dyshimin se po planifikonin sulme islamike, gjë që detyroi autoritetet dhe organizatorët që të mos kishin një zgjidhje tjetër, por të anulonin koncertet e planifikuara.
Drejtori i Përgjithshëm për Sigurinë Publike, Franz Ruf bëri me dije se një shtetas austriak 19-vjeçar u arrestua të mërkurën në mëngjes në Ternitz, në provincën e Austrisë së Poshtme. Ai tha se arrestimi i dytë ndodhi në Vjenë pasdite, por nuk dha detaje të mëtejshme për të dyshuarin.
“Sipas statusit aktual të hetimit, dy të dyshuarit u radikalizuan përmes internetit”, tha Ruf duke shtuar se
19-vjeçari bëri "një betim për besnikëri" ndaj të ashtuquajturit Shteti Islamik në fillim të korrikut.
Një operacion i madh policor u zhvillua në Ternitz, zona ku jetonte 19-vjeçari. Një numër shtëpish ndërsa banesa e tij u kontrollua, ku u gjetën disa substance kimike që po ekzaminohen.
Kreu i policisë në Vjenë, Gerhard Pürstl tha se 65,000 njerëz në ditë pritej të ndiqnin koncertet, si dhe 22,000 fansa nga jashtë vendit. (A2 Televizion)
A2 CNN Livestream
MUND TE LEXONI GJITHASHTU
