Presidenti rus Vladimir Putin dhe presidenti bjellorus Alexander Lukashenko kanë nënshkruar marrëveshje të rëndësishme dypalëshe për sigurinë, përfshirë një traktat që mund të çojë në vendosjen e raketave të reja të tipit Oreshnik në territorin bjellorus. Në një konferencë të përbashkët në Minsk, Lukashenko i kërkoi hapur Rusisë që të vendosë këto sisteme armësh moderne në Bjellorusi, duke argumentuar se vendi i tij ka vende të përshtatshme për këtë qëllim.
“Kërkoj që të dislokoni sistemet më të fundit të armëve, kryesisht raketat Oreshnik, në territorin e Bjellorusisë,” tha Lukashenko, duke shtuar se objektivat për këto armë do të përcaktohen nga lidershipi ushtarak dhe politik bjellorus. Ai theksoi gjithashtu se gjatë trajnimit të ushtarakëve bjellorusë, raketat do të operohen nga profesionistë rusë.
Putin konfirmoi se është i gatshëm të shqyrtojë këtë kërkesë dhe propozoi që dislokimi i sistemeve Oreshnik të mund të fillojë në gjysmën e dytë të vitit 2025. “Pasi të kemi nënshkruar traktatin e garancive të sigurisë me të gjitha forcat dhe mjetet e disponueshme, e shoh të mundur dislokimin e këtyre sistemeve në territorin bjellorus,” tha Putin.
Këto raketa, të cilat u testuan për herë të parë në kushte luftarake muajin e kaluar në një sulm ndaj një qyteti ukrainas, përfaqësojnë një avancim të rëndësishëm në arsenalin strategjik rus. Putin shtoi se dislokimi i tyre do të ndodhë paralelisht me rritjen e prodhimit në seri të këtyre sistemeve nga Rusia. (A2 Televizion)
A2 CNN Livestream
MUND TE LEXONI GJITHASHTU
