Çështja e vdekjes së Yevgeny Prigozhin rikthehet sërish në skenë. Kremlini akuzon “Wall Street Journal” se ka publikuar një skenar filmi në raportimin se vdekja e kreut të grupit mercenar Wagner gjatë rrëzimit të avionit është orkestruar nga sekretari i këshillit të sigurisë të Rusisë, Nikolai Patrushev.
Media amerikane shkruajti ditë më parë se çarteri privat i Prigozhin ka shpërthyer nga disa bomba të vogla të vendosura poshtë krahëve. Për këtë raportim, “Wall Strët Journal” citon zyrtarë të inteligjencës perëndimore dhe një ish-spiun të Rusisë.
Zëdhënësi i Kremlinit, Dmitry Peskov, thotë se e ka lexuar shkrimin.
“Fatkeqësisht, kohët e fundit, Wall Street Journal ka prodhuar shumë pulp fiction”, u shpreh ai.
Prigozhin, i cili ka drejtuar mercenarët e Wagner që luftuan për Rusinë në Ukrainë, sfidoi për shumë kohë udhëheqësit e ushtrisë dhe të mbrojtjes deri në organizimin e një kryengritjeje në fund të qershorit.
Dy muaj më vonë ndodhi rrëzimi i avionit dhe vdekja e tij, në atë që u konsiderua gjerësisht një hakmarrje e presidentit rus, Vladimir Putin, për sfidimin e sundimit të tij për mbi dy dekada.
Kremlini ka kundërshtuar me forcë çdo përfshirje të Putinit në vdekjen e ish mikut të ngushtë, Prigozhin. Megjithatë presidenti rus sugjeroi në tetor se avioni shpërtheu nga disa granata dore të lëshuara Brenda mjetit fluturues. (A2 Televizion)
A2 CNN Livestream
MUND TE LEXONI GJITHASHTU
