Amnesty International zotohet të dyfishojë përpjekjet për të ekspozuar shkeljet e rënda të të drejtave të njeriut nga Rusia, përballë ndalimit.
Amnesty International thotë se ndalimi i vendosur nga Rusia ishte një përpjekje për të heshtur disidentët, teksa shtoi se organizata do të dyfishojë përpjekjet për të ekspozuar shkeljet e të drejtave të njeriut nga Moska.
Këtë mëngjes, zyra e Prokurorit të Përgjithshëm të Rusisë tha se Amnesty ishte quajtur një "organizatë e padëshirueshme", duke e bërë ndarjen e raporteve të tyre të dënueshme me burgim.
“Ky vendim është pjesë e përpjekjes më të gjerë të qeverisë ruse për të heshtur mospajtimin dhe për të izoluar shoqërinë civile”, tha Agnes Callamard, Sekretare e Përgjithshme e Amnesty International.
"Ne do të dyfishojmë përpjekjet tona për të ekspozuar shkeljet e rënda të të drejtave të njeriut nga Rusia si brenda ashtu edhe jashtë vendit", tha ajo më tej, shkruan A2 CNN.
Amnesty nuk është aspak organizata e parë që bie pre e censurës ruse, me listën e shtetit të "organizatave të padëshirueshme" që mbulon 223 entitete.
Këto përfshijnë transmetuesin e financuar nga SHBA-të, RFE/RL, dhe organizatën ndërkombëtare mjedisore Greenpeace. (A2 Televizion)
A2 CNN Livestream
MUND TE LEXONI GJITHASHTU
