Sekretari Amerikan i Mbrojtjes Lloyd Austin mbërriti në Kiev duke sjellë një mesazh të angazhimit të fortë të SHBA-së ndaj përpjekjeve luftarake të Ukrainës, por pa asnjë ndihmë të re ushtarake apo leje që forcat e saj të përdorin raketa me rreze të gjatë veprimi brenda Rusisë.
Kështu bëjnë me dije burime ekskluzive për median e njohur amerikane Wall Street Journal. Austin, ish-gjeneral i ushtrisë amerikane me katër yje, ka udhëhequr reagimin perëndimor ndaj konfliktit që në ditët e para të luftës, duke koordinuar më shumë se 64 miliardë dollarë ndihmë ushtarake amerikane për Kievin dhe dhjetëra miliarda të tjera nga Evropa.
Por vizita e tij në Kiev, një ndalesë e paparalajmëruar që ka të ngjarë të jetë e fundit e tij në kryeqytetin ukrainas si shef i Pentagonit, nënvizoi debatin e vazhdueshëm nëse administrata e Biden dhe vetë Austin ka penguar përpjekjet e luftës të Ukrainës me një qasje të kujdesshme për të siguruar bëri armë dhe kufizime në përdorimin e tyre, thekson Wall Street Journal.
Administrata ka refuzuar të lëvizë nga dy kërkesat kryesore të Ukrainës: lejimi i forcave të saj për të goditur Rusinë me armë të furnizuara nga SHBA dhe anëtarësimi në Organizatën e Traktatit të Atlantikut të Veriut. Qasja në rritje e Austin i ka lejuar Ukrainës të mbijetojë, por jo ta zhvendosë luftën në mënyrë vendimtare, thonë kritikët.
Me më shumë armë që Ukraina kërkoi në ditët e para të konfliktit, sipas kritikëve, Kievi nuk do të humbiste terren sot në vijën e frontit - një pretendim që mbrojtësit e Austin e kundërshtojnë.
Ndërkohë bëhet e ditur se dymbëdhjetë persona janë plagosur nga sulmet ruse në qytetin lindor të Ukrainës, Kharkiv. Furnizimi me energji elektrike gjithashtu u shkatërrua në disa pjesë të qytetit, siç bëjnë me dije autoritetet lokale dhe policia.
Rusia kreu sulme të dielën rreth orës 22:00, në të cilat u plagosën katër gra dhe pesë burra, tha policia në shërbimin online Telegram. Ndërtesat e banimit, garazhet, pikat e karburantit dhe makinat u goditën nga sulmet. Guvernatori i rajonit dhe kryetari i bashkisë, konfirmoi se një pjesë e qytetit ishte pa energji elektrike. (A2 Televizion)
A2 CNN Livestream
MUND TE LEXONI GJITHASHTU
