Komisioni Evropian ka evidentuar në Raportin e Progresit për Shqipërinë nivelin e përafrimit të legjislacionit shqiptar me standardet e Bashkimit Evropian në fushën e politikës monetare.
Në raport, një vëmendje e veçantë i kushtohet Bankës së Shqipërisë, ku theksohet se kuadri ligjor është i përafruar me acquis-in e BE-së për pavarësinë e bankës qendrore dhe ndalimin e financimit monetar të sektorit publik.
Komisioni vlerëson gjithashtu nivelin e përafrimit të Shqipërisë me rregullat evropiane që lidhen me ndalimin e aksesit të privilegjuar të sektorit publik në institucionet financiare.
“Për politikën monetare, Shqipëria ka një nivel të lartë të përafrimit me acquis-in e BE-së në lidhje me ndalimin e aksesit të privilegjuar të sektorit publik në institucionet financiare. Legjislacioni është i përafruar me acquis-in e BE-së për pavarësinë e bankës qendrore dhe ndalimin e financimit monetar të sektorit publik”, thuhet në Raportin e Progresit. (A2 Televizion)
A2 CNN Livestream
MUND TE LEXONI GJITHASHTU
