Një incident ndodhi gjatë fjalimit të Donald Trump në Kongresin Amerikan. Përfaqësuesi i Partisë Demokratike, Al Green u shoqerua nga stafi i Kongresit dhe doli jashtë sallës, vetëm pak minuta pasi filloi fjalimi i Trump.
Shkak u bë ndërhyrja e Al Green, i cili tha se Trump nuk ka mandat për shkurtime në sistemin e kujdesit shëndetësor amerikan. Pasi doli nga salla, Al Green tha se, “njerëzit duhet ta dinë se ka nga ata që e kundërshtojnë republikanin”.
Fjalimi i Trump në Kongres, konsiderohet si më i gjati i mbajtur ndonjëherë nga një president amerikan. Në të, Trump ripohoi dëshirën e tij për t'i dhënë fund luftës në Ukrainë.
Ai vlerësoi gjithashtu vendosjen e tarifave si një mjet për të mbrojtur Shtetet e Bashkuara, pavarësisht nga "konfuzioni" i mundshëm. (A2 Televizion)
A2 CNN Livestream
MUND TE LEXONI GJITHASHTU
