Presidenti i SHBA-së, Donald Trump, ka deklaruar se Uashingtoni planifikon të përdorë një pjesë të fondeve të ngrira të Iranit për të blerë produkte bujqësore amerikane që do të dërgohen në vendin islamik.
Duke folur nga Shtëpia e Bardhë, Trump tha se Irani po përballet me vështirësi në furnizimin me ushqime, ndaj administrata amerikane synon të përdorë një pjesë të aseteve iraniane për blerjen e grurit, sojës dhe misrit të prodhuar në SHBA, shkruan A2CNN.
“Po na vjen një treg i ri dhe ai quhet vendi i bukur i Iranit. Ata po kanë vështirësi me ushqimin dhe ne do të marrim një pjesë të parave të tyre dhe do t’i shpenzojmë duke blerë grurë, sojë dhe misër – shumë prej tyre. Ky proces do të fillojë së shpejti. Do të jetë mjaft i madh”, u shpreh Trump.
Presidenti amerikan e cilësoi këtë nismë si një mundësi të re për bujqit amerikanë, duke theksuar se programi do të krijojë një treg të ri për eksportet bujqësore të SHBA-së, ndërsa synon njëkohësisht të ndihmojë Iranin përballë mungesave të raportuara të ushqimeve. (A2 Televizion)
A2 CNN Livestream
MUND TE LEXONI GJITHASHTU
