Presidenti i SHBA-ve, Donald Trump, deklaroi se nuk është i shqetësuar nëse negociatat me Iranin përfundojnë, ndërsa tensionet në Lindjen e Mesme vijojnë të rriten dhe tregjet ndërkombëtare po reagojnë me luhatje të forta të çmimeve të naftës.
“Nuk më intereson nëse kanë mbaruar, sinqerisht. Vërtet nuk më intereson. Nuk më intereson aspak”, tha Trump në një intervistë për CNBC, duke komentuar raportimet se Teherani ka pezulluar komunikimet dhe negociatat indirekte me Uashingtonin.
Presidenti amerikan shtoi se nuk është i shqetësuar as për rritjen e çmimeve të naftës, pavarësisht frikës së tregjeve për një përshkallëzim të krizës në rajon. “Mendoj se nafta do të bjerë si shkëmb në një distancë shumë të afërt”, deklaroi ai.
Irani ka pezulluar negociatat me Shtetet e Bashkuara. Ekipi negociator iranian ka ndaluar komunikimin indirekt me SHBA-në nëpërmjet ndërmjetësve, sipas agjencisë iraniane të lajmeve Tasnim. Vendimi thuhet se është marrë në përgjigje të sulmeve të Izraelit në Liban. (A2 Televizion)
A2 CNN Livestream
MUND TE LEXONI GJITHASHTU
