Presidenti i SHBA-ve, Donald Trump, thotë se Uashingtoni kishte armatosur grupet opozitare iraniane dhe protestuesit gjatë demonstratave masive anti-qeveritare në dhjetor dhe janar, në të cilat mijëra njerëz u vranë gjatë shtypjes nga forcat qeveritare, raporton A2CNN.
Duke folur në Fox News në një intervistë telefonike të dielën në mëngjes, presidenti tha se SHBA-të kishin qenë të përfshira drejtpërdrejt në përpjekjet për të destabilizuar dhe përmbysur qeverinë iraniane disa javë para se të nisnin sulmet më 28 shkurt nga SHBA-të dhe Izraeli në të gjithë Iranin dhe ndërsa negociatorët amerikanë po angazhoheshin me zyrtarë të lartë iranianë në Evropë.
Ndërsa lufta SHBA-Izrael kundër Iranit hyri në ditën e saj të 38-të, të paktën 2,076 njerëz janë vrarë në Iran dhe 26,000 të tjerë janë plagosur. “Presidenti Trump më tha se Shtetet e Bashkuara u dërguan armë protestuesve iranianë”, raportoi Fox News.
Trump shpesh e ka cilësuar vendimin për të sulmuar Iranin së bashku me Izraelin si pjesërisht të frymëzuar nga dëshira e tij për të “çliruar” iranianët nga sundimi i Republikës Islamike, pasi kjo e fundit i shtypi ato protesta në janar.
(A2 Televizion)
A2 CNN Livestream
MUND TE LEXONI GJITHASHTU
