Presidenti Donald Trump ka folur këtë mbrëmje në Uashington DC pas një takimi me drejtuesit e naftës.
Sipas mediave të huaja, pasi u dha fjalën gazetarëve për të bërë pyetje, Trump u pyet se sa gjatë mendon se udhëheqësi suprem i Iranit do të mbetet në pushtet dhe nëse SHBA-të do të përfshihen.
"Irani është në telashe të mëdha", tha Trump, shkruan A2 CNN.
"Më duket se njerëzit po marrin kontrollin e disa qyteteve që askush nuk i mendonte se ishin vërtet të mundura vetëm disa javë më parë.
"Po e ndjekim situatën me shumë kujdes”, shtoi Trump, përcjell A2 CNN.
"E kam bërë këtë deklaratë shumë të fortë se nëse ata fillojnë të vrasin njerëz siç kanë bërë në të kaluarën, ne do të përfshihemi. Do t'i godasim shumë fort aty ku dhemb", shtoi Presidenti i SHBA-së.
"Dhe kjo nuk do të thotë të dërgojmë ushtarë në terren, por do të thotë t'i godasësh shumë, shumë fort aty ku dhemb”, tha më tej Trump.
"Ne nuk duam që kjo të ndodhë. Ka pasur raste të tilla ku Presidenti Obama është tërhequr plotësisht, por kjo është diçka mjaft e pabesueshme që po ndodh në Iran", vijoi Trump.
"Është një gjë e mrekullueshme për t'u parë. Ata kanë bërë një punë të keqe. I kanë trajtuar njerëzit shumë keq dhe tani po i hakmerren. Pra, le të shohim se çfarë do të ndodhë. Po e ndjekim. Po e ndjekim nga shumë afër", përfundoi Presidenti. (A2 Televizion)
A2 CNN Livestream
MUND TE LEXONI GJITHASHTU
