Në Bolivi janë mbyllur qendrat e votimit për zgjedhjet presidenciale dhe ka nisur procesi i numërimit të votave. Ndërkohë, zgjedhjet janë shoqëruar me tensione në disa zona të vendit.
Një incident i rëndë ka ndodhur në bastionin politik dhe sindikal të ish-presidentit Evo Morales, ku presidenti i Senatit dhe njëkohësisht kandidati për president, Andrónico Rodríguez, është përballur me reagime të dhunshme nga votuesit.
Pasi kreu votimin dhe u ndal për të folur me gazetarët, ai është goditur me gurë dhe është fishkëllyer nga një grup personash të pranishëm në qendrën e votimit.
Rodríguez, dikur i afërt me Moralesin, është cilësuar nga mbështetësit e ish-presidentit si "tradhtar", për shkak të largimit të tij nga linja politike e Moralesit dhe vendimit për të kandiduar në këto zgjedhje në mënyrë të pavarur.
Incidenti vjen në një moment delikat për klimën politike në vend, ku ndarjet e brendshme në radhët e majta po bëhen gjithnjë e më të thella.
Autoritetet zgjedhore dhe policia nuk kanë dhënë ende një deklaratë zyrtare mbi ngjarjen. (A2 Televizion)
A2 CNN Livestream
MUND TE LEXONI GJITHASHTU
