Shefi i sigurisë së Ukrainës thotë se shpreson të organizojë një vizitë të Presidentit Volodymyr Zelensky në SHBA "në datën më të afërt të përshtatshme" këtë muaj, ndërsa përpjekjet diplomatike për t'i dhënë fund luftës vazhdojnë.
Sipas mediave të huaja, Rustem Umerov, kreu i këshillit të sigurisë së Ukrainës, tha të martën se SHBA-të dhe Ukraina kishin arritur “një mirëkuptim të përbashkët mbi kushtet kryesore të marrëveshjes së diskutuar” në bisedimet e mëparshme në Gjenevë.
Shtëpia e Bardhë nuk ka komentuar mbi mundësinë e bisedimeve Trump-Zelensky, shkruan A2 CNN.
Ndërkohë, Sekretari i Ushtrisë Amerikane, Dan Driscoll, është takuar me përfaqësues rusë në Abu Dhabi. Nuk dihet se kush është në delegacionin rus.
Umerov tha se ekipi i tij “pret me padurim” organizimin e vizitës së Zelensky-t në SHBA “në datën më të hershme të përshtatshme në nëntor për të përfunduar hapat e fundit dhe për të arritur një marrëveshje” me Presidentin e SHBA-së Donald Trump.
Më parë, një zyrtar amerikan që udhëtonte me Driscoll në Abu Dhabi i informoi gazetarët se Ukraina kishte rënë dakord për marrëveshjen e paqes me detaje të vogla që do të zgjidheshin, shkruan A2 CNN.
E pyetur për ta konfirmuar këtë, administrata ia drejtoi vëmendjen e BBC-së komenteve të Sekretarit të Shtetit Marco Rubio në Gjenevë të dielën, kur ai tha se diskutimet e nivelit më të lartë do të ishin ende të nevojshme për të finalizuar marrëveshjen.
Hendeku midis kushteve që Ukraina dhe Rusia do të pranojnë është ende shumë i madh dhe Kremlini nuk ka gjasa të bjerë dakord me llojin e marrëveshjes që Kievi mund të miratojë. (A2 Televizion)
A2 CNN Livestream
MUND TE LEXONI GJITHASHTU
