Hyrja e Ukrainës në NATO "në rrethanat aktuale" do të provokonte "Luftën e Tretë Botërore". Kështu tha ministri i jashtëm hungarez Peter Szijjarto, duke folur para gazetarëve në hapjen e Forumit Ndërkombëtar të Gazit në Shën Petersburg. “Nëse Ukraina pranohet si anëtare e NATO-s në rrethanat aktuale, kjo do të nënkuptonte shpërthimin e Luftës së Tretë Botërore dhe ne jemi deklaruar kundër provokimit të një përplasjeje të drejtpërdrejtë midis Rusisë dhe NATO-s”, tha Szijjarto, citon agjencia e lajmeve Tass.
Frika për përhapjen e luftës në Lindje, ka shqetësuar Sekretarin e Përgjithshëm të NATO-s, Mark Rutte, i cili në një takim me Volodymyr Zelenskyy dhe Kryeministirn e Britanisë së Madhe, Keri Starmer, tha se “lufta për Ukrainën nuk është vetëm për Ukrainën, por edhe për sigurinë dhe të ardhmen e Shteteve të Bashkuara”.
"Mos u shqetësoni nga presidenca e Trump. Ne nuk e dimë se kush do të fitojë. Unë do të punoj me Kamala Harris nëse ajo zgjidhet, do të punoj me Donald Trump nëse ai do të zgjidhet. Nuk jam i shqetësuar për këtë sepse jam absolutisht i bindur që SHBA-të janë bashkë me të, sepse ata e kuptojnë se nuk është vetëm për Ukrainën, por edhe për ta dhe se nga Uashingtoni në San Francisko, e gjithë SHBA-ja do të jetë më pak i sigurt nëse Putini do të ishte i suksesshëm në Ukrainë”, tha Mark Rutte, Sekretar i Përgjithshëm i NATO, shkruan A2.
Ndërkohë Presidenti i Ukrainës, Volodymyr Zelenskyy, i cili ka nisur një tur takimesh me liderët kryesorë europianë tha se, “Armëpushimi” nuk është një “temë” në tavolinën e diskutimeve këto ditë me qeveritë kryesore europiane. Ai e tha këtë në Paris, ku u takua me presidentin francez Emmanuel Macron dhe presidentin ukrainas Volodymyr Zelensky në Elysee.
“Kam ndarë me Emmanuel Macron planet tona, planin e fitores dhe situatën në fushën e betejës. Siç thashë, ne jemi mirënjohës për gjithçka, duke u përgatitur para dimrit, ne kemi nevojë për mbështetjen tuaj dhe unë jam mirënjohës për gjithçka që ju (Macron) keni bërë", tha Volodymyr Zelenskyy, President i Ukrainës.
Sakaq, bëhet e ditur nga Ministria ruse e Mbrojtjes se forcat e saj raketore goditën një sistem amerikan Patriot, një armë kyçe për mbrojtjen ajrore të Ukrainës. Në shënjestër u vunë në shënjestër dy raketahedhës, si dhe një radar dhe një kabinë kontrolli shënjestrimi. (A2 Televizion)
A2 CNN Livestream
MUND TE LEXONI GJITHASHTU
